Lyrics:

Wie iech nog e jungske waor, zoe vaan e jaor of zés
Vóng iech gere vaan alles aon en leet iech niks mét rös
Zaog iech dao e trömmelke, pakte miech e keukske
Daan zag m’n mam: doe deugeneet, iech zét d’ch in ’n heukske

Tra la la la la - Tra la la la la

Wie iech al get groeter woord, de sjaoltied waor veurbijj
Had iech gere, wie eederêin, e mêidske aon m’n zijj
E knap geziechske, ’n aordig keend, mét um de kop ’n deukske
En spraok iech met 't mêidske aof, op êin of aander heukske

Tra la la la la - Tra la la la la

Wie iech later vrijje ging, m’n hart vol goje mood
Veer stoonte stiekum neve de kèrrek, iech weet ’t nog zoe good
Opins versjeen menier Pastoer, dee zag toen mét e vleukske:
“Wat doen m ‘ch die twie knape noe, heij in dat duuster heukske”?

Oh la la la la - Oh la la la la
Tra la la la la - Tra la la la la

Es iech bijj St. Petrus kom en klop daor aon z’n deur
Daan zeet ‘r: “Jóng, kom doe mer d’rin, doe steijs d’r hiel good veur
Doe höbs toch nemes kwaod gedaon, dao sjteijt niks in mie beukske”
Daan zégk iech: “Petrus, zét miech mèr mét e Eengelke eurges in ’n heukske”!

Tra la la la la - Tra la la la la