Lyrics:

Will ye go tae Flanders, my Mally O?
Will ye go tae Flanders, my Mally O?
We'll get wine and brandy
Sac and sugar candy
Oh will ye go tae Flanders, my Mally O?

Will ye go tae Flanders, my Mally O?
Tae see the bonnie soldiers, my Mally O?
They'll gie the pipes a blaw
Wi' their kilts and plaids sae braw
Aye the fairest o' them a', my Mally O

Will ye go tae Flanders, my Mally O?
An' tak the royal shillin' there, my Mally O?
Will ye tae a foreign shore
For tae hear the cannon roar
And the bloody shouts o' war, my Mally O?

Will ye go tae Flanders, my Mally O?
Tae see the bold commanders, my Mally O?
Will ye see the bullets fly
And the soldiers, how they die
And the ladies how they cry, my Mally O?

Will ye go tae Flanders, my Mally O?
Will ye go tae Flanders, my Mally O?
We'll get wine and brandy
Sac and sugar candy
Oh will ye go tae Flanders, my Mally O?