Lyrics:

Chorus: Hedi do und war i net/ warum's nix wird was i net/ es schaut aus ois war i z'bled/ daß amoi ollas hinhaut is scho fast a Rarität

Flip: es wird imma bleda/ mei Leben a schlimma Fehla/ waun i amoi zum budan komm, konnst sicha sein, es z'reisst den Präser/ früha oda späta, übanosats jeda, wann'st di mit mir eilosst, is zacha no ois Büffelleder!

Skero: Irgendwos passt imma net, moch was wost dahintastehst/ die Situation verschlimmert se/ de Sudarei behindert di/ wanns nur no um de Kohle geht/ loss afoch de Finga weg/ mocht's des Business ohne mi!/ wie jedn Tog des söbe, da schloft ma des Gsicht ein/ i muaß net olles hobn, dafüa bin i vü z'fäui/ dann wohn i hoit in da WG/ hob ka Haus, kann PKW/ wann's draussn regnt dann dusch i mi/ am Gang draussn is mei WC

Bridge: Hed i, war i do - hör doch das Jammern auf/ war i hed i do - es geht doch anders auch/ hed i, war i do - du hast daran geglaubt/ jetzt bricht dein Traum zusammen wie ein Kartenhaus

Chorus

Huckey: Ooops - i hobs eh scho voahea gwusst/ Des ged schief und am Schluss hängst mit de Fiass in da Luft/ Es is ka Kunst dass mas hibiagt,/ oba i hätt ned vaputzt/ daß du Zwetschkenkrampus mehr kriagst, ois an woamen Händedruck/ Do derfst eh ned übalegn/ wia des Weda is as Leben/ amoi schiach daun wieda schen/ viri und zruck wia auf da Hobibeng/ und häd i wiakli ollas gebn/ warads trotzdem nu vü z' wenig/ daß i amoi kriag wos i wü, da miassat scho a Wunda gscheng

Laima: Hätt I do immer dau, wos di aundern sogn/ war i längst oben, oder lagad i im Stroßngrobn/ War i net der, der i bin, wer war i daun?/ Hätt des an Sinn, bin i so, weil i net aunders kaun?/ Jeder glaubt, er mochts, er pockts, er schoffts, denn nur er is da hauma/ doch daun wird's bled, nix geht, fü z'spät, und es wird do a aundra.

Bridge

Chorus

Huckey: Wos soi des Hediwari/ der gaunze Larifari/ ihr spüts de 1. Geign, i spü a Stradiwari/ und daun denk i ma Huckey/ i was jo eh des zaht si/ oba des ane was i: i brauch ka Haus und kan Ferrari

Flip: es geht imma weita/ oiwei nur bergo, bergo, heast wird des nimma gscheita/ i reit eini in die Pleitn, meine Freind werdn reicha und reicha/ Kleida mochn d'Leit, ja söbst ois Schneida/ war i woi a Leben lang nur zweita/ trotzdem bleibt kloa/ daß i weitakämpfn wird, i bin von Haus aus Fighter/ so wias ausschaut klebt oba des Pech an mia wie Kleista/ irgendwaun is afoch Schluß damit, wann i die Buttaseitn kriag, ja dann moch i den großn Reibach

Skero: Hedi do was andas gmocht/ hedi des und des net gsogt/ war i do no länga bliebn/ hed i do net untaschriebn/ hed i des net übasengn/ war i do im bett liegn bliebn/ mei ganzes Leben war andas gwesn und olles war so wundaschen

Bridge: Hed i, war i do - hör doch das Jammern auf/ war i hed i do - es geht doch anders auch/ hed i, war i do - du hast doch was du brauchst/ stell dich nicht taub, jetzt wird zu diesem Sound gebounct!

Chorus