Lyrics:

Veni, veni, venias
ne me mori facias,
hycra, hycre, nazaza,
trillirivos...

Pulchra tibi faciens,
oculorum acies,
capillorum series,
o quam clara species!

Rosa rubicundior,
lilio candidior,
omnibus formosior,
semper in te glorior!

In trutina mentis dubia
fluctuant contraria
lascivus amor et pudicitia.
Sed eligo quod video,
collum iugo prebeo;
ad iugum tamen suave transeo.