Lyrics:

aapake pahalu men aakar ro diye - 2
daastaan-e-gam sunaakar ro diye
aapake pahalu men aakar ro diye

zindagii ne kar diyaa jab bhii udaas
aa gaye ghabaraa ke ham manzil ke paas
sar jhukaayaa, sar jhukaakar ro diye
aapake pahalu men aakar ro diye

shaam jab aansu bahaatii aa ga_ii - 2
har taraf gam kii udaasii chhaa ga_ii
diip yaadon ke jalaakar ro diye
aapake pahalu men aakar ro diye

gam judaaii kaa sahaa jaataa nahiin
aapake bin ab rahaa jaataa nahiin
pyaar men kyaa-kyaa ganvaakar ro diye
daastaan-e-gam sunaakar ro diye
aapake pahalu men aakar ro diye