Lyrics:

pal pal dil ke paas, tum rahati ho
jivan mithi pyaas, ye kahati ho
pal pal

har shaam aankho par, teraa aanchal laharaae
har raat yaado ki, baaraat le aae
mai saas letaa hun, teri khushabu aati hai
ek mahakaa mahakaa saa, paigaam laati hai
mere dil ki dhadakan bhi, tere git gaati hai
pal pal

tum sochogi kyun itanaa, mai tumase pyaar karu
tum samajhogi divaanaa, mai bhi iqaraar karu
divaano ki ye baate, divaane jaanate hai
jalane me kyaa mazaa hai, paravaane jaanate hai
tum yun hi jalaate rahanaa, aa aa kar kvaabo me
pal pal

kal tujhako dekhaa thaa, maine apane aagan me
jaise kah rahi thi tum, mujhe baandh lo bandhan me
ye kaisaa rishtaa hai, ye kaise sapane hai
begaane ho kar bhi, kyun lagate apane hai
mai soch mai rahataa hun, dar dar ke kahataa hun
pal pal