Lyrics:

vo bhuli daastaa lo phir yaad aa ga_i - 2
nazar ke saamane ghataa si chhaa gayi - 2
vo bhuli daastaa lo phir yaad aa gayi

kahaan se phir chale aaye, vo kuchh bhatake hue saaye
vo kuchh bhule hue nagame, jo mere pyaar ne gaaye
vo kuchh bikhari hui yaade, vo kuchh tute hue nagame
paraaye ho gaye to kyaa, kabhi ye bhi to the apane
na jaane inase kyo milakar, nazar sharmaa gayi
vo bhuli

bade ragin zamaane the, taraane hi taraane the
magar ab puchhataa hai dil, vo din the yaa fasaane the
faqat ik yaad hai baaki, bas ik fariyaad hai baaki
vo khushiyaan lut gayi lekin, dil-e-barabaad hai baaki
kahaan thi zindagi meri, kahaan par aa gayi
vo bhuli

ummido ke hansi mele, tamannaao ke vo rele
nigaaho ne nigaaho se, ajab kuchh khel se khele
havaa me zulf laharaa_i, nazar pe bekhudi chhaai
khule the dil ke daravaaze, muhabbat bhi chali aai
tamannaao ki duniyaa par, javaani chhaa gayi
vo bhuli

vo bhuli daastaa lo phir yaad aa gayi - 2
nazar ke saamane ghataa si chhaa gayi - 2
vo bhuli daastaa lo phir yaad aa gayi