Lyrics:

Chorus:

Ca' the ewes tae the knowes
Ca' them whare the heather grows
Ca' them whare the burnie rowes
My bonie dearie

Hark, the mavis' evening sang,
Sounding Clouden's woods amang;
Then a-faulding let us gang,
My bonie dearie

We'll gae down by Clouden side,
Thro' the hazels spreading wide,
O'er the waves that sweetly glide,
Tae the moon sae clearly.

Ghaist nor bogle shalt thou fear,
Thou'rt to love and heav'n sae dear,
Nocht of ill may come thee near;
My bonie dearie.

Chorus

Fair and lovely as thou art,
Thou hast stown my very heart;
I can die - but canna part,
My bonie dearie

Chorus