Lyrics:

Wie e sjeep dat weurd gedreve nao z’n have
Nao jaore vaan lavere euver zie
Rijj iech weer door de straote vaan Blouwdörrep
M’n wange oonder ’t kippevel en wie!

Mer straks op de Atwie riechting ’t noorde
Veul ‘ch m’n traone branne achter ’t stuur
Want iech vergeet diech neet
In de sjemer veur d’n duuster
Bin ‘ch eve naor Blouwdörrep trök gewees
Nêin, iech vergeet diech neet
Eve kieke veur d’n duuster
Bin ‘ch stiekum in Blouwdörrep trök gewees

Allang veurbijj d’n Eindhovense roondweeg
Duij iech op m’ne pin en rijj te hel
Iech höb eve ’t geveul tot ‘ch terök vleeg
De zitting vaan de stool stêit in me vel
Bijj Utrech krijg iech door tot ‘ch geflits bin
’t Liefste zouw ‘ch kiere riechting Weert
Want iech vergeet diech neet
In de sjemer veur d’n duuster
Bin ‘ch eve naor Blouwdörrep trök gewees
Nêin, iech vergeet diech neet
Eve preuve veur d’n duuster
Bin ‘ch stiekum in Blouwdörrep trök gewees

Noe rijj ‘ch door de Soesterbergse straote
Och e dörrep met zoe’n zelfde, felle kleur
Es Blouwdörrep dat ‘ch vreug al höb verlaote
M’nen ooto stop vaanzellef veur m’n deur
Haos diezelfde deur es oet m’n jongesjaore
Die deur, die heet gelache en gejenk
Want iech vergeet diech neet
In de sjemer veur d’n duuster
Bin ‘ch eve naor Blouwdörrep trök gewees
Nêin, iech vergeet diech neet
Eve ruuke veur d’n duuster
Bin ‘ch stiekum in Blouwdörrep trök gewees