Lyrics:

Boid bist obn und boid bist untn
Boid bist verlorn und boid wirst gfundn
Boid bist wer und boid bist nix 
Und dann fressen di de fix

Boid hoast an Greuzer, boid an Guldn
Und glei drauf schon wieder Schuldn
Des Radl draht si oiwei weida
Oba seltn wern ma gscheida

Aba solang no de Musi spült
Und da Kruag mit Bier se füllt
Bleibn ma nu a wengal sitzn
Und iawaramoi toan ma juchitzen

Ob du druckn oder ziagn tuast
Oder betn oder liagn muast
Boid muast fressen, boid muast saufn
Boid geht nix, boid geht an Haufn

Bist du a Ox oder a Käubl
Bist du a Mandl oder a Weibl
Bist du a Weibl oder a Mandl
An jeden haun's amoi ins Pfandl

Aba solang no de Musi spült
Und da Kruag mit Bier se füllt
Bleibn ma nu a wengal sitzen
Und iawaramoi toan ma juchitzen

Aba solang no de Musi spült
Und da Kruag mit Bier se füllt
Bleibn ma nu a wengal sitzen
Und iawaramoi toan ma juchitzen