Lyrics:

When ye gang awa, Jamie,
Far across the sea, laddie;
When ye gang to Germanie,
What will you send to me laddie?

I'll send ye a braw new gown, Jeanie,
I'll send ye a braw new gown, lassie,
And it shall be o' silk and gowd,
Wi' Valenciennes set round, laddie.

That's nae gift ava', Jamie,
That's nae gift ava', laddie;
There's ne'er a gown in a' the land,
I'd like when you're awa, laddie.

When I come back again, Jeanie,
When I come back again, lassie,
I'll bring wi' me a gallant gay,
To be your ain gude man, lassie.

Be my gude man your sel', Jamie,
Be my gude man your sel', laddie;
And tak' me owre to Gemanie,
Wi' you at hame to dwell, laddie.

I dinna ken how that wad do, Jeanie,
I dinna see how that can be , lassie,
For I've a wife and bairnies three,
And I'm no sure how ye'd 'gree, lassie.

Ye should hae telt me that in time, Jamie,
Ye should hae telt me that lang syne, laddie;
For had I kent o' your fause heart,
You ne'er had gotten mine, laddie.
(*** in the first 2 lines leave out the 'that' and run the 'me' into the next word or you'll never scan)

Your een were like a spell, Jeanie,
Your een were like a spell, lassie,
That ilka day bewitched me sae,
I could na help my sel' lassie.

Gae back to you wife and hame, Jamie,
Gae back to your bairnies three, laddie;
And I will pray they ne'er may thole,
A broken hear like mine, laddie.

Dry that tearfu' e'e, Jeanie,
Dry that tearfu' e'e, lassie;
I've neither wife nor bairnies three,
And I'll wed nane but thee, lassie.

Think weel for fear ye rue, Jamie,
Think weel for fear ye rue, laddie;
For I ha'e neither gow'd nor land,
To be a match for you laddie.

Blair in Athol's mine, Jeanie,
Blair in Athol's mine, lassie:
St Johnston's bow'r and Hunting tow'r,
And a' that's mine is thine lassie.