Lyrics:

Ultima Serinata

Texte et Musique : Bruno Baccara




Quantu sta notte hè bella dolce è pura
E stelle lucenu cum’è lumere
Ormai tù dormi senza penseru
Perchè di mè ùn ai più tanta primura

Dimmi parchì faci cusì sempre l’indifferente
Ùn t’aghju fattu niente è ti piatti da mè.

Ùn possu crede chì u nostru amore
Cunsumatu sia cum’è la cera
Ti vogliu mette manu lu me core
S’è tù cunsenti à vedemi sta sera.

Sì la to bocca la mea tocca mi salverai la vita
Ma tù ti ne stai zitta, nun mi vol più amà.

L’alba s’hè fatta è lu ghjornu s’avanza
Cusì finiscerà la serinata
Ùn aghju più nè forza nè speranza
È per mè sarà l’ultima nuttata.

Aiò chì hè ora ci vole à mora
Ancu l’aria mi manca
U me core si stanca, ùn possu più campà.