Lyrics:

Balagna regina


Auteur : Olivier Ancey Musique : Antoine Ciosi
Jérôme Casalonga


Balagna regina
D’oru incurunata,
Quandu ti pettina
L’alba appena nata,
Balagna turchina
Tarra prufumata,
L’ambata marina
Ti veste da fata.

Balagna tisoru,
Sponde di dulcezza,
Sempre m’innamoru
Di a to billezza.

Balagna accunsentu
D’ochji mai stanchi
Da Ziglia à Palmentu
U core spalanchi,
Alivi d’argentu,
Amanduli bianchi
È basgi di ventu
Nant’à i to fianchi.

Fior di talavellu,
Fioccu marzulinu,
Ogni pasturellu
Loda u Reginu.

Balagna chimera,
Vogliu sunnià,
Un giru di sfiera,
Un’eternità,
Balagna sincera,
Pronta à pardunà
L’ombra furestera
Di u mio campà.

Balagna sincera,
Pronta à pardunà
L’ombra furestera
Di u mio campà.