Lyrics:

A ballata di Mattea


Auteur : Dédé Nobili Musique : François Pesce







Ùn lu viderai più u capu à la Falcunaghja
I culombi chì d’aprile volanu sempre per paghju.

Ùn ferai più sunate à u sole di e murnaghje
Nè puru ti senteremu impruvisà nantu à l’aghja.

D’ottobre in campu furnellu quandu serà a stagione
E giuvanotte à cugliera aspetteranu e to canzone.

Piengu di sapè chì di marzu quandu u sole hè più vivu
Ùn serai più cun noi sott’à i rutoni d’alivu.

Quandu pensu à i to ochji u mo cerbellu si move
È piengu i mo suspiri mentre corre l’oliu novu.

Megliu ch’eo ùn ci pensi più chì a mo memoria scrochja.
Morgu pianu di sapè ch’è tù ai sceltu d’altri ochji.

Oghje dipoi tant’anni oramai a to strada hè mea
Ne scopru tante bellezze da e cime di San Parteu