Lyrics:

A moglia di u piscadore

Texte et Musique : François Vincenti





A manu sopr’à l’ochji
A matina a moglia di u piscadore,
Cerche luntanu in mare
Una barca chì deve turnà.
Hè partuta di notte
È digià si hè alzatu lu sole,
A moglia di u piscadore
Soca hè fatta pè suspirà.

Piscadore …
Tutti i pesci
Chì sò in mare
Sò per tè
Piscadore …
Pochi pesci
Pigliarei
Tù pensi à mè.

Cum’è sempre a barcella
Chì hà intesu a moglia di u piscadore
S’avvicine ballendu
Sù l’onda chì treme quallà.
L’onda hè bella sta mane
L’hà detta a moglia di u piscadore,
Dumane chì sarà ?
È si ricumence à suspirà.

(Ripigliu)