Lyrics:

Tucchi Tucchì, Tucchi Tuccà

Texte et Musique : Antoine CIOSI


O li belli capelli ch’hà Sgianna, Sgianna i belli capelli ch’ell’hà,
S’hà pigliatu u mio core cun l’alma, mio core cun l’alma, pigliatu lu s’hà.

Tucchi Tucchì,Tucchi Tuccà,
Guardate à Sgianna, è lasciatela stà.

Ma chì dolce surisu ch’hà Sgianna, Sgianna chì dolce surisu ch’ell’hà,
Ancu à i santi di u paradisu issu surisu ferebbe dannà.

Tucchi Tucchì,Tucchi Tuccà,
Guardate à Sgianna, è lasciatela stà.

Tantu ricca hè la so statura, u so visu risplende beltà,
Induv’ella passa nasce a calamita ogni giuvanottu a vurrebbi amà.

Tucchi Tucchì,Tucchi Tuccà,
Guardate à Sgianna, è lasciatela stà.

Hè regina di lu mio core, sò pazzu d’amore pien di felicità,
Mane è sera sò tuttu in bullore, quandu eo la vecu, mi pigliu à cantà.

Tucchi Tucchì,Tucchi Tuccà,
Guardate à Sgianna, è lasciatela stà.