Lyrics:

LUNA NOVA

E dà quassù riflettu è pensu è ci ripensu à lu s’amore
Quandu vinia accant’à mè li so capelli è lu s’odore
Era per mè ‘n’a scimità ma lu mio core prontu à more
Partia sempre à mondu soiu à ritruvalla à le so ore

Rivengu sempre à luna nova à tocca tocca lu so lettu
A ricercà la so passione è tant’amore à lu so pettu
Chi lu so corpu ghjè per me belezza sciolta di difettu
Tamanta gioa e furtunatu serà quellu chì la sceltu

Aspetteraghju ogni sera la to voce à core strintu
Senza sapene lu perchè che tù mi movi lu mio stintu
Ti vogliu dà tutte le stelle è lu mio esse più distintu
Li tenerai vicinu à tè di tuttu què n’e sò cunvintu

Tutti li ghjorni vogliu beie acque è licore à le to anche
À rifà strada è sulione sin’à le più belle calanche
Ch’ellu mi corghi in corpu sanu mare di risa è di sangue
Per parte inseme in cha cha cha à sciappa sciappa tutte stanghe

Finiscu quì la mio canzone mandendu à tè tutti ‘sti versi
Chi li viaghji à passu nostru n’e sò sicuru ùn sò più persi
Ch’ellu ci ascolti diu marzu cum’un amicu di cent’anni
E chi lu fiore di veranu mischji sempre i nostri panni