Lyrics:

E DONNE D’AVA



O scurdassi di sè per esse’cù elle
Un sapè u perchè chì sò cusi belle

Scurdassi di tuttu è ancu di sè stessu
Esse u solu fruttu di core prumessu
Sò e donne d’oghje piene di sapè fà
Induve l’omu s’appoghje senza sapè’duve và

Si ne và à sbaccu di a sigaretta accesa
A pumpane tabaccu senza cuntà spesa

U fume ch’ell’intranu li sorte à u nasu
È nimu face casu ch’hè di pachettu pienu
E donne d’avà sò di risa in bocca
À fassi chjamà a mo coca coca

O e donne d’avà anu u bene stà
À fassi piglià per quelle ch’ùn sò

Per quellu ch’ùn sà ma eiu chì a sò bè
È a faciu sapè chì e donne d’avà
Sò fatte per campà e per campà bè
Sò fatte per piace, a facenu sapè

Si ne vanu sbragate è d’anche scuparte
Sò di pettu mulate à ghjucà e so carte

S’anu tutte in manu è di ghjocu sanu
Ponu piglià d’assu è mandavi à spassu
E ricoglie a misa è tenesi u valettu
Esse cul’è camisgia sottu’à listessu tettu
Ponu tene i mecchi appesi à e so labbre
È po fane capre per purtall’à i becchi

O scurdassi di sè per esse’cù elle
Ùn sapè u perchè chi sò cusi belle

Scurdassi di tuttu è ancu di sè stessu
Esse u solu fruttu di core prumessu
Sò e donne d’oghje piene di sapè fà
Induve l’omu s’appoghje senza sapè duve và