Lyrics:

L'ESTATINA

si partia l'estatina à l'arrifrescatura
è cusi tutti li ghjorni d'ogni creatura
pianu pianu si n'andava tutta sta natura

si francava à passi calmi un chjosu di chjiarasgi
passiunati di ste notte tutte inzucherate
si facia festa è canti in tutti i paisoli

sulione di l'estate ùn vi piantate mai
d'innacquà sta terra è sti fiori di balagna
tandu tuttu serà cume un fiume di cuccagna

VAI VIAGHJENDU
CANTENDU SEMPRE A
ZILIMBRINA
A SPASSU ANCU LA TO ZITTELINA CUSI CARA
TI TENERA SEMPRE LA MANU
E TI DARA L'AMORE DI LA VITA


tù chi si un omu di cultura pasturale
un acellu c'ùn hà paura di lu tempurale
cantacci la to manera di campà incù l'ale

t'aghju da di incù tutta la mio più bella primura
ch'una vita senza sogni ghje scrianzatura
camperai ogni sera di tanta furtuna

avà si chi ti cunnoscu amicu per l'eternu
passeremu sempre inseme l'onda è l'infernu
per vultà bandera alta appesa à lu barcellu