Lyrics:

PER TE

Quant'è grande l'amore che portu per tè
luntanu da tè quant'è longu su tempu
l'anima suspira un longu silenziu,
a speranza se tù è a portu cun mè.

una pena sorda chi sempre m'afanna
strappa a me'vita che tù teni forte
si piace cusi à campà la so morte:
longu suspiru d'una longa cundanna

d'un grande amore s'hè siccata a pianta,
l'ochju chi pienghje è u core chi canta
discetanu sempre un lamentu angusciosu.

si d'un fruttu aspru fiurisce a morta,
tempu di ghjuventù fiurisce amorosu
l'addisperu hè grande ne a vita corta.