Lyrics:

RE DI U MONDU

Tù sì u fiore
Di l’eternu varanu
Tù sì l’amore
Rinnovu di l’umanu
Sì tisoru di a tarra
Negru biancu brunu o biondu
In collu à mamma cara
Ciucciu sì rè di lu mondu.

Sò una cria
Cù l’ochji amandulini
Fiori d’asia
Millioni di bambini
Mamma è babbu anu un surrisu
Dolce cum’è un chjar’ di luna
Megliu cà un campu di risu
Ciucciu sì a so furtuna.

Festa africana
Di passi ritimati
Tarra luntana
Zitelli attempu nati
Babbu s’incanta di soni
Mamma hè focu è po carezza
Zitti elefanti è lioni
Ciucciu sì a so richezza.

Trà cotru è ghjelu
Sì vinutu à lu mondu
Hè piombu u celu
E neve per circondu
Ma tù campi è tù cresci
Mamma t’annana di fole
Babbu porta carne è pesci
Ciucciu sì per elli sole.