Lyrics:

NANNA DI U BAMBINU


O graziosu
Figliolu cararellu
Mì la to mamma
O fiore u m’anghjulellu
Senti senti a frisculina
Ch’e t’addoppii u mantellu
Iss’allisciata ammasgiulina
A ti face babbarellu

E tramindui
Vi date di rumenu
L’ete cappiate
Isse buccate di fenu
E le vostr’ansciate o fere
U riscaldanu in senu
Sò u boie è u sumere
U mio bellu à fatti alenu

Aiò intrite
Voi altri li pastori
In què a stalla
Chi à tutti iss’onori

Sò per te o figliulellu
Degnu di tanti tesori
Issu mischinu viculellu
Hà da sparghje i splindori

E chì ci dite
Iss’anghjuli benedetti
E pò issa luce
A l’insischiti indetti
Ch’è vo ùn siate à teme
Di Quassù ne sò i detti
Vi anu mossu in Betleeme
A u Cristu stretti stretti

Or qui sintite
L’hà detta Zaccaria
Tù zitillucciu
Figliolu di Maria
Prufeta sarei chjamatu
In le strade d’allegria
E à Diu cunsacratu
Di l’Altissimu Messia

Avà po zitti
U mo ciucciu riposa
E so labruccie
E issa risa giuiosa
I to ochji o lu mio puru
E issa spira luminosa
Chì ci franca di sicuru
Di l’imbusca affannosa

E dormi dormi
In la notte serena
Ci sò e stelle
Hè d’oru a fulena
O beata què a manna
In la to manuccia piena
Spula spula chi t’annanna
St’affiurata cantilena