Lyrics:

un grillu mudestu

un grillu mudestu
artistu divinu
di paglia di granu
ha fattu un viulinu

di ghjornu si tace
ma quandu a l'oscura
e placida notte
rivolte a natura

par chi stintu dolce
di malincunia
l'artistu ripiglia
a so simfunia

u diapasone
a paglia di granu
u piglia a la terra
e l'artistu stranu


avendu per tema
l'universu zittu
colla a dumanda
l'eco a l'infinitu

l'albure sta sustu
e l'acellu ascolta
e l'omu cuntempla
l'altissima volta

tuttu cio ch'in terra
esiste e rispira
in un solu accordu
d'estasia suspira

Carulu Giovoni 1930