Lyrics:

'Deine Unschuld ist ein Prädikat
Weh dem Mädchen, das sie nicht mehr hat.'
Säät die Frau Schmitz us Rhöndorf
Zo ihrer Doochter, der Magarete:
'Sie ist das Teuerste
Das Höchste, ist das Beste, was du hast.'
Dobei woss dat joode Kind nit
Wat se meint, die Frau
Denn dat Jriet wor brav und willich
Ävver nit besonders schlau
Denn enn d'r Schull
Wor et off krank
Oder Schmitzen's maaten Heu
Et wor op jeden Fall nit immer janz dobei
Un dä Pastur, un och sing Mamm, han off jesaat
Wat et dodrüvver liehre könnt
Dat wür nit mih wie Biesterei
Un su stund dat Jrietsche do
De janze Botz voll Unschuld
Wo sollt' et bloss hin domet?
Denn sujet Düüres - jeht immer - kapott
'So geht's mir mit dem Glase
Met düüre Blomevase
Och Spejele un Tasse
Zerschlage ich en Masse
Will dat nit, wohin domet?
Dat jeht m'r jäjen die Natur
Un deshalb kritt se dä Pastur.'

Et schrömpten noh dä Kirch hin
Su brav wie en Novizin
Un däät dem Priester sage:
'Et litt m'r jet em Mage
Fromme Mann, hööt mich aan
Saat, wollt ihr nit ming Unschuld han?
Süns kütt m'r wirklich noch jet dran.'
'Kind, das geht doch leider nicht
Deine Unschuld ist ein Prädikat
Weh dem Mädchen, das sie nicht mehr hat.'
Dat Jrietsche zooch von dannen
Un viele Tränen rannen
T'jing en die Buure-Disco
Bestellte sich en Limo
Do stund dä Breuer's Pitter
Dä spillte jlich d'r Ritter
Sie schenkte ihm Vertrauen
Wie vor ihr viele Frauen
Sie sprach von ihren Nöten:
'Sons jeht se mir noch flöten.'
Der säät: 'Ich kann dir helfen
Du musst mir nur vertrauen
Kumm, mer sprechen üvver alles nevvenaan em Heu
Deine Unschuld ist mein grösster Schatz
Liehn se mir, bei mir da hätt se Platz

Un dann am nächste Sonndaach jevve ich se widder
Sie ist das Teuerste, sie ist das Schönste
Ist das Höchste, ist das Beste, was ich hab
Nur zueesch deit et jet wih
Un et kütt och jet Bloot
Doch wenn do dich dran jewönnt häs
Dann deit et nur noch joot
Un dat määt Spass, un dat es schön
Mer passen op, dat sie uns Keiner kläut
Un wä dat doch noch deit, dä weed vun mir verbläut
Dä weed verbläut, dä weed verbläut, dä weed verbläut!'
Un su war se joot verwahrt
Schmitze Jriet sing Unschuld
Sie han dat noch üff jemaat
Un dat nit nur Sonndaach's em Heu
Se dääten et em Jaade
Un manchmol dabei schwaade
Sie taten's unter Tannen
Und auch in Badewannen
Lieb und zart, auf ihre Art
Und dazu spielte Amadeus seine kleine Nachtmusik
Wer die Story vun dä Unschuld, vun dä Liebe
Un däm Pastur uns nit jläuv
Fahr met uns noch hück noh Rhöndorf
Do wonnt e jlöcklich Päärche op d'r Läuv