Lyrics:

Dala Kong Nakalimbag

Pagsubok ay dumarating, sapin-saping kapanglawan
Puso’y ibig na manghina, tila hindi makayanan
Araw-gabi ay balisa, diwa’y hindi mapalagay
Nangangambang baka bukas sa Dios Ama’y mapawalay

Subalit ‘pag sumagi na sa pagod na kaisipan
Bawat latay’ pagtitiis ni Hesus na minamahal
Buhay Niya’y ibinuwis doon sa krus nabayubay
Na ako rin ay magbabata pagsubok na dumaratal

Sa maliit na paraan sa hirap Niya ay karamay
Sa bawat pagpatak ng luha sa aking mata
Dahil sa hirap at kalumbayang dinadala-dala
Si Kristo Hesus sa gunita ko’y nagpapaala-ala
Higit sa dinaranas ko ang Kanyang binata

Buhay Niya’y ibinuwis doon sa krus nabayubay
Na ako rin ay magbabata pagsubok na dumaratal

Dala kong nakalimbag sa aking katawan
Ang tanda ni Hesus magpakailan pa man
Dala kong nakalimbag sa aking katawan (puso ko’t laman)
Mga halimbawang Kanyang iniwanan
Pangako sa Iyo Ama magtitiis habang buhay
Tulungan Mo ako na makapagtagumpay

Dala kong nakalimbag sa aking katawan
Ang tanda ni Hesus magpakailan pa man
Dala kong nakalimbag sa aking katawan (puso ko’t laman)
Mga halimbawang Kanyang iniwanan
Pangako sa Iyo Ama magtitiis habang buhay
Tulungan Mo ako na makapagtagumpay

Pangako sa Iyo Ama magtitiis habang buhay
Tulungan Mo ako na makapagtagumpay

Tulungan Mo ako na makapagtagumpay