Lyrics:

Neili in da Stadt, wiari grad so flanier,
Do spricht mi oana o und er sagt zu mia:
Wuist da schnell wos vadiena?
Mei, des laß i net schleifa.
Komm mit, sagt a drauf, steig glei bei mia ei.
Mia fahr'n jetz naus nach Geiselgasteig,
Mia brauchan no Statist'n
Für an Gangstastreif'n.
Kaum war' ma drauß'n, packt mi oana am Arm.
Da stell di hi, mei fast waar i gstorb'n.
Do steht ea wirklich und leibhaftig voa mia
Und i merk, i wead ganz weich in die Knia.

Voa mia steht Al Capone
Sein Blick ist kalt wie Stahl
Und er druckt mia die Empi in die Ripp'n.
Voa mia steht Al Capone
Mia wiad schwarz vo de Aug'n und i moan,
I muaß glei umakipp'n.

Deat's den Depp'n raus, schreit der Regisseur
Und bringt's ma glei den nächst'n her.

Und wiada dahoam, vor Schreck no belämmert,
Leg' i mi nieda, do hot's ma dämmert.
I muaß mi räch'n.
Des konnst mit mia net macha.
I, nei ins Kaufhaus, kaaf a Kinderspritz'n,
Mei, der Regisseur, dea muaß jetz schwitz'n.
Jetz mach' ma's amoi andasrum,
Jetz wui i amoi lacha.

I fahr wieda naus, vor's Bavariahaus
I wart no' a stund, da kummt er raus.
Es war scho recht dunk'l, i schleich ganz geduckt,
Da siegt er mi und is z'sammazuckt.

Voa ihm steht Al Capone
Sein Blick ist kalt wie Stahl
Und er druckt eahm die Empi in de Ripp'n.
Voa ihm steht Al Capone
Eahm wead schwarz vor Aug'n
Und er is scho kurz vor'm umakipp'n...