Lyrics:

Hunkelers sy Hündeler
Sie wärde vom Kampfhund bewacht
U will i undedrann wohne
Ligen i wach i der Nacht

Früecher isch's friedlech gsy
I bi sogar i Park
Itz göh myni Pflanzen ii
U d Chatz isch es Wrack

Hunkelers hei e Hümpu
's isch besser we me nüt seit
U gsehn i am Morge der Hunkeler u sy Hung
Säg i: Guete Morge, wie geit's?

Bevor Hunkelers mit em Hung hie sy ynechoo
Isch's suber gsy, friedlech u schön
Hüt schlychen i heimlech zu Hunkelers Türe
U streue Wurst mit Arsen

I warte im Ygang
Hoi Hunkeler!
Der Hümpu isch chrank
Är schnuufet so schwär

Hunkeler, i wott di nid versuume
Aber lue doch dä Hümpu mal aa
E Dobermann wo schuumert
Dünkt mi doch irgendwie o nid normal

Sitdäm Hunkelers hie tüe wohne
Wächsle si hüfig der Hund
U fründlech luegen i zum Chuchifänster uus
U säge: Guete Morge, syt der gsund?
U ds Läbe wär bunt u nid eso schwär
Gäb's ke Hund u ke Hunkeler

U fragt mi der Hunkeler: Endo, wie geit's?
Sägen i: merci, Hunkeler, es muess
I gibe em Dobermann no es Redli Wurst
U wünschen e schöne Tag u ne Gruess