Lyrics:

Jawolle, jawolle, der König vo Pole het Härdöpfel gstole
Het löchrigi Sole
Sys Rych isch verlore u sys Rössli isch tot
U syni Krone isch furt

Jawolle, jawolle, der König vo Pole het Härdöpfel gstole
Isch niene dehei
Regiert sech elei, schlaft uf emne Stei
Zum Znacht chocht är Müüs won är usem Chäller tuet hole

Der König vo Pole dä fyret es Fescht
Es het keini Gescht
Är rytet uf ere wysse Chatz u isch blutt
U när singt är es Lied u es tönt nid so guet

Jawolle, jawolle, der König vo Pole het Härdöpfel gstole
Süsch wäri är gstorbe
Ufem Fäld duss verdorret
U jetz lüpft är sys Hemmli zum Tanz

Der König vo Pole, dä singt mit de Spinne
U furzt mit de Frösch
Am Abig geit är mit de Chreie is Näscht

Jawolle, jawolle, der König vo Pole het Härdöpfel gstole
Me chane nid gseh
Är isch niene meh, aber we me ne gseht
Chunnt är eim cho hole
Der König vo Pole