Lyrics:

me vader in den tijd,da was 'ne zonderling
dîe ging nog nor de voetbal, om voetbal gon te zien
en mocht ik al is meegaan dan hoorde 'k h'm begot
mor sakkeren en mor roepe ... en tiere lak 'ne zot :

smerige spelder
lelijken oesem
rottigen back
en vuile filou
krottige keeper
triestigen trainer
stoemmen arbiter
lot da ni toe
boe..boe..boe ...

en d'r is gin ploeg in Bellege
allé de bleke..van Zeveneke
en voelde gà dà d'al..en voelde gà dà d'al
hoe spannend dat da d'is ... voetbal !

na gon kik nor de voetbal, mor Patje go ni mee
hij zee da 't niks nimîer mè sport te maken hee
de keren da'k nog gaan, dan zittek mè 'n ei
want ov'ral hoor ik zatte beeste brullen neffe mij :

slaagt 'm de kop in
shot'm mor kreupel
stampt in ze kruis
kort en goe pakt 'm langs achter
geft 'm 'ne kopstoot
't is onze vijand
takelt 'm toe goe..goe..goe..

en d'r is gin ploeg in Bellege
allé de blonte..van Boemmerskonte
en voelde gà dà d' al.. en voelde gà dà d' al
hoe smerig dat da d' is ...voetbal !
en d'r is gin ploeg in Bellege
allé de grijze..van Overijsse
en voelde gà dà d'al ..en voelde gà dà d' al
hoe smerig dat da d' is ...voetbal !