Lyrics:

En Woch op Mallorca met Halbpension,
Betriebsausflug, Lüsgen, Kranz & Sohn.
Dä Hoot op, de Brill aan, un ab aan dä Strand,
am Ballermann han se uns direk Widdererkannt.

Pesetas jetusch', un die Fläsch op,
dat jedudels eraf un d'r Ostermann drop,
buena notte, Charlotte, Mallorca si si,
dat es uns Erholung, wat bruche mer mieh.

Buenos dias Mathias, mer sin widder do,
am Strand vun Mallorca wie jedes Johr.
Met alle Mann, am Ballermann.
Nur Amore un Sunnesching, un kei Bett jesinn.
Met alle Mann, am Ballermann.
Nur Amore un Sunnesching, un kei Bett jesinn.

Ovend jejesse, et joov wedder Fesch,
un dann en d'r Disco, wä sitz do am Desch?
Die Mädche vum Käjelclub Driess od de Kall,
us Nippes, Jung, die kenne mer all.

Nohm fuffzehnte Danz hät d'r Jupp widder Ping
un rührt all sing Pille, en et Bier met erin.
Un d'r Hein (Franz) mäht op Liebe, en Witwe us Prüm,
dä han mer em Fluchzeug eets widderjesinn.

Buenos dias Mathias, mer sin widder do,
am Strand vun Mallorca wie jedes Johr.
Met alle Mann, am Ballermann.
Nur Amore un Sunnesching, un kei Bett jesinn.
Met alle Mann, am Ballermann.
Nur Amore un Sunnesching, un kei Bett jesinn.

Schwemme wor keener, dofür wor keen Zick,
de Nas es zwar ruut, ävver brung dat sin mer nit.
Doheem anjekumme, denk jedermann,
et jrösste usser Kölle, es un bliev d'r Ballermann.

Buenos dias Mathias, mer sin widder do,
am Strand vun Mallorca wie jedes Johr.
Met alle Mann, am Ballermann.
Nur Amore un Sunnesching, un kei Bett jesinn.
Met alle Mann, am Ballermann.
Nur Amore un Sunnesching, un kei Bett jesinn.

Jabada.....