Lyrics:

Wo simmer he? Wa’ ‘ss dat? He wohr mer jo noch nie,
Wo simmer he erinnjeroode?
Weshalv un wann, ey Mann, vüür allen Dingen wie?
Wat hammer he ’nn däm Loch verloore?

Saach, wat dunn die Lück he, hann die kei Zohuss?
Hann die kei Bett? Ich jläuv, ich muss he widder russ.
Wa’ ‘ss dat für ’ne Krach he? Wat sinn dat für Tön?
Sieht fass su uss, als jööv et he jet ömesöns.

(Wo simmer he?) Jitt et he Absolution?
(Wo simmer he?) Ess dat he die Endstation?
(Wo simmer he?) Hann mir uns enn der Düür verdonn?
(Wo simmer he?) Simmer he ’nn ’ner Peepshow
Oder irjendwo beim Psycho-Rodeo?

Luhr, dä Idiot mem Hoot, ess dä uss Fleisch un Bloot?
Un do, dä Schoss met Hennahoore?
Wa’ ‘ss met dä Frau enn Jrau? Die kenn ich doch jenau,
Die kütt mer vüür wie enjefroore.

Simmer he em Zirkus? Ess dat he ’ne Zoo?
En Achterbahn? Sinn mir he enn ’nem Fundbüro?
Jeht et he öm Lüje? Jeht et he öm Sex?
Oder weed sich he vüür irjendjet versteck?

(Wo simmer he?) Jitt et he Absolution?
(Wo simmer he?) Ess dat he die Endstation?
(Wo simmer he?) Hann mir uns enn der Düür verdonn?
(Wo simmer he?) Simmer he ’nn ’ner Peepshow
Oder irjendwo beim Psycho-Rodeo?

(Wo simmer he?) Jitt et he Absolution?
(Wo simmer he?) Ess dat he die Endstation?
(Wo simmer he?) Hann mir uns enn der Düür verdonn?
(Wo simmer he?) Simmer he ’nn ’ner Peepshow?
(Wo simmer he?) Jeht et he noh Marathon?
(Wo simmer he?) Simmer em Panoptikum?
(Wo simmer he?) Jitt et he ’n bill’je Sensation?
(Wo simmer he?) Simmer he ’nn ’ner Peepshow
Oder irjendwo beim Psycho-Rodeo?