Lyrics:

Alles op Ahnfang, widder op Start un Ziel zoröck,
Noch ens vun vörre, vielleich dissmohl met mieh Jlöck,
Die Stääne künne bloß besser stonn als bessher.

Wie schön, wie schön, wie schön dat wöhr,
Wie schön, wie schön, wie wunderschön dat wöhr!
Hühr zo, ich jläuv, ich hann dozojeliert,
Ich weiß, et wohr nie leich met mir.

Wat soll ich saare, wills du hühre: „’T deit mer Leid“?
Oder e’ Kompliment: Dat dir Ruut janz joot steht?
Ich stell mir aachunveezich Stund ahm Daach nur vüür,

Wie schön, wie schön, wie schön dat wöhr,
Wie schön, wie schön, wie wunderschön dat wöhr,
Stünds du wie ’m Kitschfilm diss Naach noch vüür der Düür.
Ich jööv alles dofür.

Loss mich dir ’nn die Aure luhre,
Die spreche anders als ding Zung.
Wenn’t sinn muss, darf et och jet duhre,
Wenn du mir bloß en dritte Chance jiss, Mädche, kumm!

Ich hann nohjedaach, ich jläuv, ich hann’t kapiert:
Ich kann mich ändre, wenn du wills – hey, ich probier’t!
Ich däät jottweißwat, köhms du bloß zoröck noh mir.

Wie schön, wie schön, wie schön dat wöhr,
Wie schön, wie schön, wie wunderschön dat wöhr!
Hühr zo, ich jläuv, ich hann dozojeliert.
Ich weiß, et wohr nie leich met mir.

Wie schön, wie schön, wie schön dat wöhr,
Wie schön, wie schön, wie wunderschön dat wöhr!
Ich weiß, klingk blöd, wenn ich dir irj’ndjet schwör,
Verjess et, kumm bloß heim noh mir.