Lyrics:

Die Mama steht den ganzen Tag am Herd
Sie kocht so gern, was anders hat s' nie glernt
Der Bua wird immer fetter
Er is scho blad wiera Gasometer
Er kommt in's Häusl nimmer eine
Er muaß no Windeln tragn mit neune
Was am Tisch kommt, des wird gfressen
Und wann net, dann wirst derstessn!
Groß und stark muaß er wern
Da hilft ka Jammern
Da hilft ka Plärrn

Der Papa kommt haam
Grantig und miad
Im Gschäft ham s' eam den ganzen Tag traktiert
Am Chef hat er an Zuarn
Die Watschn kriegt der Bua
Daham spielt er den Herrn
Der gfüllte Bua kann si net wehrn
Auf's Häusl will er rennen
Im Türstock bleibt er hängen
Es is halt so im Leben:
Wer tretn wird, tuat tretn

Der Opa, a General in Pension
Der wünscht si an Soldaten als Enkelssohn
Der Bua muaß strammstehn und dann
Mit an Besen in der Hand
Mit'n Nachtscherbn auf der Birn
Muaß er in's Häusl einmarschiern
Natürlich bleibt er stecken
Der Bua kriegt die Deckn
Und muaß robben stundenlang
Rundherum um die Chaiselongue

Es gibt Kinder, die kumman
Ohne Schutzengerl auf d'Welt
Und der Sandmann haut eana Reißnägel in d'Augen
Unterm Christbaum liegt jedes Jahr
A Packerl Tränen als Geschenk
Und a Märchenbuch
Wo der Teufel immer gwinnt