Lyrics:

Ich will dich
Wolfgang Niedecken
Album Leopardefell

Dä Totengräber höllt deef Luff
Dä Leierkastemann, dä schluchzt
Silverne Saxophone warne: 'Bloß nit die!'
Jesprungene Glocke
Rostje Trööte quängle
Dat se einem leid dunn
Mir ejal, ich will dich nit verliere

Besoffne Politiker schunkle
Mütter jamm're leis' em Dunkle
Die Erlöser sinn em Schloof versunke
Wo bess du?
Un ich waade drop
Dat die sich waare
Irjendjet zo mir zo saare
Usser: 'Loss se rinn
Maach die Düür wigg op!'

Ich will dich
Ich will dich
Ich will dich
Na klar, ich will dich

Vüür mir litt en schwazz die Pik-Dahm
Weiß, ahn wat ich jraad jedaach hann
Ich weiß, dat se't weiß un wat se alles kann
Sie's joot zo mir un ich zo ihr
Sie weiß, wo ich jetz zo jähn wöhr
Doch dat spillt diss Naach für uns kein Rolle mieh

Ich will dich
Ich will dich
Ich will dich
Na klar, ich will dich
Ich will dich
Ich will dich
Na klar

Johrelang nur schläächte Kaate:
'Wat ess wohre Liebe?'
Un jetz will mich jottweißwer warne
Muss dat intressiere?

E' Kind danz en 'nem Chinakleid
Säht jet zo mir, en Stemm wie Seid
Nä, stemmp, ich woor nit nett zo ihm
Et deit mir leid
Sujet passiert
Wemmer nit lühsch un säht
Wat einem nit jenüsch
Wemmer sich nimieh selvs bedrühsch
Hühr zo:
Ich will dich!

Ich will dich
Ich will dich
Ich will dich
Na klar, ich will dich
Ich will dich
Ich will dich
Na klar, ich will dich