Lyrics:

A Strada

Era sempre zitellu è mi sapie di
Sottu à u to cappellu à u sole di quì

Dumane ingrandarai principiave cusì
Quand'è tù partarai arricodati sì

Poi batte lu mondu è girà le cunfine
Cambià cio chì ti pare u principiu è a fine

Poi rifà i passi è cambià le primure
Quandu nimu risponde quandu l'ore sò dure

Ùn ci hè nunda chì preme
Ùn ci hè nunda chì vale
Ùn ci hè nunda chì preme
Ùn ci hè nunda chì vale

Un amicu un amore
A to voce cantava
Era vera digià
Quandu Marta filava
Un amicu un amore
È po mi ne scurdava
Un amicu un amore
Una terra una strada

Poi puru chjamà precuranne a sorte
È pò ricumincià apre tutte e porte

Vultarai dumane à u primu viaghju
È nantu à e to mane u listessu terraghju

I cunoscu i fiori da i tempi lasciati
Era digià cusì ùn eramu ancu nati

Dumane ingrandarai principiave cusì
Quand'è tù partarai arricordati si

Ùn ci hè nunda chì preme
Ùn ci hè nunda chì vale
Ùn ci hè nunda chì preme
Ùn ci hè nunda chì vale

Un amicu un amore
Cusì pocu bastava
Era vera digià
Quandu Marta filava
Un amicu un amore
È po mi ne scurdava
Un amicu un amore
Una terra una strada...