Lyrics:

A sò chì una sera
Cusì, à l'ispensata
Lasceraghju sta terra
À l'ultima abbrugata
È tandu sunerà
L'ora di u licenziu
Prima di trapughjà
À u mondu silenziu
À u mondu silenziu

Quandu mi n'anderaghju
Cuscogliula à lu ventu
Per l'eternu viaghju
Ùn vogliu sente un pientu
Solu chì qualchissia
Solu chì qualchissia
Dica una puesia

Ma quandu a barcella
Tuccherà l'altra sponda
Sott'à l'ultima stella
Pianteraghju una stonda
È a vi manderaghju
Sta sumente à lu core
Per ch'ellu s'apri à maghju
Sbuccitu cum'un fiore
Sanu sanu à l'amore

Quandu mi n'anderaghju
Cuscogliula à lu ventu
Per l'eternu viaghju
Ùn vogliu sente un pientu
Solu chì qualchissia
Solu chì qualchissia
Dica una puesia