Lyrics:

I wass leider ned des wos oder wie
i wass nur, wie's jetzt is so woa's no nie.
Es is nicht zu glaub'n wia die Zeit zerrinnt,
wos nach und nach ma fuer Einsicht gewinnt.
Gewonnen, gewonnen, verlor'n, verlor'n,
es is nimmer so, es is anders word'n
ganz anders is', doch I geh mein' Weg,
a Weil geht's dahin und dann kummt da a Break.
Es is immer wieder des selbe Spiel,
jo die Vernunft, und na des Gefuehl,
a jeda bemueht si auf sei Oat
da ane hod's leicht und da andere hoat -
oba durchbeiss'n hasst's
und nix scheiss'n wasst!
Und ausreiss'n wos ned guat is!

Gewalt hot noch immer des Unheil gebrocht
doch wer die Gewalt hot, der hot die Mocht.
Es is nimmer so, wie's frueher woa,
i kumm ma so ausgeliefert vor.
Okay, oiso guat I fang wieder an,
es is ned so leicht, do I haeng mi d'ran
i moechte leb'n und ned vegetier'n,
i moechte mi erhalt'n und ned verlier'n.
I hob zwoa ka Ahnung, wie's weitergeh'n soll,
oba I kaempf' und I gib' ma's voll.
Gewagt getan ist halb gewonnen,
doch leider gewonnen und schon zerronnen -
durchbeiss'n hasst's
und nix scheiss'n wasst!
Und ausreissen wos ned guat is!

Da waere dann noch die Politik.
Die liegt ma zwoa nicht, oba zum Glueck
Gibt's andere, die des fuer mi check'n,
und si dabei mit Ruhm bedeck'n.
Verdientermass'n, natuerlich, jo
es gibt ja sonst niemand, drum san's ja do.
Und I suach die Worheit, doch I bin zu bloed,
olles wos I wass, is: so geht des ned.
Man muesste ganz einfach die Einsicht gewinnen -
man muesste ganz einfach von vorne beginnen
und si durchbeiss'n
und nix scheiss'n
und ausreiss'n, wos net guat is!

Oba irgendwie glaube ich feststellen zu muessen,
es kann einer leider nicht alles wissen.
Eine Binsenweisheit, des is ma kloa,
doch aktuell wie nie zuvor.
Irgendaner schreit, Feuer frei!
Wir schau'n uns um, und ois is vorbei.
I wass net genau, doch I hob den Verdocht,
dass si do wer heimlich ins Faeustchen locht,
der seine Schaefchen im Trockenen hot,
der sitzt in sein Bunker und wir san tot.
Schlimmer geht's nimmer, so oder so,
Tatsache is oba, wir leb'n no,
wie ma uns durchbeiss'n
und nix scheiss'n
und wie ma ausreiss'n, was net guat is.