Lyrics:

Besser du jehß jetz (So what?)

Et hätt lang jenooch jeduhrt,
endlich hann ich dich durchschaut.
Ei`ntlich ess et kaum zo jläuve,
dat ich dir jemohls vertraut.

All die Schranze un Claqueure
hatte nie en Chance.
Ävver ussjerechnet op dich
feel ich rinn, doch Jottseidank
hann ich noh un noh bejriffe,
dat do irjendjet nit stemmp.
Un jetz stehste do, Gigolo,
un deiß mer nit ens leid (nit ens leid)

Mittlerweile weiß ich, wat du
hinger mingem Rögge schwaads.
Du häss endjüldisch verschesse,
höchste Zick, dat du dat schnalls.

Du kanns Kreide fressen wie du willst,
dat nötz dir jetz nix mieh.
Du stinks immer noch noh Wolf
met `dinger dreck`je Phantasie.
Du wills nie ahn ir`ndjet schuld sinn,
mähß dä sterbende Schwan.
Kumm mir bloß nit met `ner Schnulze,
Mann oh Mann!

Besser du jehß jetz, eh ich die Jeduld verlier.
Besser du jehß jetz, un zwar durch die Hingerdüür.
Besser du jehß jetz un küss besser nie zoröck,
weil ich sons...für nix mieh jarantier.

Muss schon saare, du häss Nerve,
dat du dich noch ens hertraust,
op ming Tränedrüse drücke wills,
doch ich kenn dich jenau.

Meinste wirklich, ich feel op ding
Krokodilsträne erinn?
Du bess jlaubhaft wie Pinocchio
op Speed un Kokain.
Mann, mir spille nit Mikado
un schon janit Siebzehn-Vier.
Du häss ziemlich huh jepokert
un bess leider affjeschmiert. (affjeschmiert)

Besser du jehß jetz, eh ich die Jeduld verlier.
Besser du jehß jetz, un zwar durch die Hingerdüür.
Besser du jehß jetz un küss besser nie zoröck,
weil ich sons...für nix mieh jarantier.

Besser du jehß jetz, eh ich die Jeduld verlier.
Besser du jehß jetz,
besser du mähß dich durch die Düür.
Besser du jehß jetz un küss besser nie zoröck.

Besser du jehß jetz, eh ich ming Jeduld verlier.
Besser du jehß jetz, un zwar durch die Hingerdüür.
Besser du jehß jetz un küss besser nie zoröck,
weil ich sons...für nix mieh jarantier.