Lyrics:

[Songtext zu „Jenau jesaat: Op Odyssee“]

[Strophe 1]
Op dä Strooß sick vier Johrzehnte, ständisch ungerwääß
Halle, Bühne, Festivals, zehndausend Hotels
Manchmohl läuf 'ne Film aff vun paar Junge enn 'nem Bus
Ir'ndwo enn dä Pampa, spät nahx, „Jetz nur noch nohuss!“
Möödjespillt un övverdrieht
Je'nfalls joot dropp,?wie?mer?sieht
Weisste noch enn?Neppes em Mariensaal?
Bürjerfeste,?Kneipengigs, höllisch schlääsch bezahlt
Chlodwigeck un Stollwerck, durch die Eifel bess noh Trier
Om Cover vun der Bravo, dofür hammer uns jeniert
Rockpalast, die Loreley
Leechjohre un mieh vorbei

[Refrain]
Ir'ndwie dä Wahnsinn, et funktioniert
Och wenn uns Sprooch ei'ntlich kaum einer versteht
Ir'ndwie dä Wahnsinn, mer dürfe op Tournee
Jenau jesaat: Op Odyssee

[Strophe 2]
Manchmohl steht mer ahn'ner Kreuzung un weiß nit, wolang
Ohne Navi, ohne Kaat, doch jläuv mir: Jott sei dank
Hätt noch immer joot jejange, aff un zo nur knapp
Selvs wenn einer övver Bord jing, hammer et jepack
Manches feel unfassbar schwer
Doch och dat ess ewig her

[Refrain]
Ir'ndwie dä Wahnsinn, et funktioniert
Och wenn uns Sprooch ei'ntlich kaum einer versteht
Ir'ndwie dä Wahnsinn, mer dürfe op Tournee
Jenau jesaat: Op Odyssee

[Bridge]
Okay, mer künnt saare: „Maach jetz langsam ens halvlang!“
Sibbzisch ess e Alter für Golf oder die Parkbank
Mann, dat wöhr dä Horror, denn wie Ronnie, Keith un Bob
Will ich leever rocken, bess dä Herr Jott säht: „Kumm ropp!“

[Refrain]
Ir'ndwie dä Wahnsinn, et funktioniert
Och wenn uns Sprooch ei'ntlich kaum einer versteht
Ir'ndwie dä Wahnsinn, mer dürfe op Tournee
Jenau jesaat: Op Odyssee
Ir'ndwie dä Wahnsinn, et funktioniert
Och wenn uns Sprooch ei'ntlich kein Sau versteht
Ir'ndwie dä Wahnsinn, mer dürfe op Tournee
Jenau jesaat: Op Odyssee