Lyrics:

Vyf voor nege as ek Hatfield sien
En die kuier vir die aand is in Duncanstraat
McGillis tot McGintis my kitaar geslaan
In Maloneys gestaan op n donderdagaand

As die ore min raak my oë toe
Kom die barman om als weg te vat
Ek rol die drade op maak die koffers vol
Net die koffie bly oor om my warm te maak

Jy't gesê vanaand
Sou jy kom luister soos gisteraand
Maar jou stoel is leeg en my hart is vol
Van al die goeters wat ek jou nog wou vra
Maar nou's dit vir my weer sulke tyd
Paktyd traptyd tjailatyd
Paktyd traptyd tjailatyd

Kwart oor twee as die plek stilraak
En die druppels teen die ruite hulle prentjies maak
Al n duisend keer hierdie pad gevat
Vir n appel en n ui deur my hart gestap
Vir die liefde van die saak

Pak jou kitare vir die reis
Al voel jy verlore in die stadsgedruis
Jou voete sal jou die plekke wys
Gloeiende gesigte sal jou droom laat skyn
Die eelte op jou vingers sal weer verdwyn