Lyrics:

Infine grazia a Diu rivecu u campanile Ch`un ghjornu aghju lasciatu
una mane d`aprile
Zitellu so partutu ritornu capu biancuVengu à circà riposu perché oghje so stancu

O Campane silenziu ùn rumpite stu sognu
Chi l`esiliatu passa circhendu un testimoniu
Vogliu ascultà dinò u cantu di l`accellu
È po` rifà li passi, è po` rifà li passi
Di l`anzianu zitellu

Quì nè lu campu santu sott`a filetta serena
Ci dormanu li mei dopu tamanta pena
Passendu capu bassu mi dicu pianu, pianu
So morti quasi soli perché eru lontanu

O Campane silenziu ùn rumpite stu sognu
Chi l`esiliatu passa circhendu un testimuniu
Vogliu asculta dinò u cantu di l`accellu
È po` rifà li passi, è po` rifà li passi
Di l`anzianu zitellu