Lyrics:

1)
Et ess noch nit lang her,
do hann se he op dä Eck en neue Kneip opjemaht.
Met Neonröhre, Dosebier,
ziemlich dekadent paratjemaht.
Die janze Jungtalente un Studente
hann sich deshalv övverlaat.
Et besste ess, do stommer dann
en Zokunft ohvends nur noch op der Plaat.

Refr.:
Wahnsinn, do jommer och hin.
Wahnsinn, dat darf nit wohr sinn.
Baby, do jommer hin, janz unbedingt. Jawohl.

2)
Als Grundausstattung knüselisch,
ene Uhrring un uss Plicht unrasiert.
Su simmer dann ahm eezte Ohvend
en die WahnsinnsKneip marschiert.
Wer Jeld jenooch hatt, hätt et vüürher
noch blitzartig en Ledderbozze investiert.
Op jeden Fall: Dä eezte Ohvend
hätt sich wirklich echt rentiert.

Refr.:
Wahnsinn, do jommer och hin.
Wahnsinn, dat darf nit wohr sinn.
Baby, jetz jeht et ab. Janz unwarscheinlich ab.