Lyrics:

Du bes Oberbürjermeister
Du bes die KVB
Du bes Prinz, Buur un Jungfrau
Du bes och dä FC
Du bes Tünnes, Schäl un Meisner
D´r Heinzelmännchebrunne
Bläck Fööss, Brings un Höhner
Un dem Herrjott jot jelunge
Du bes Ihrefeld, Nehl un Neppes
Bes Sinnersdorf un Esch
Bes Kalk, ja joot, och Bergheim
Häs Jlöck un bes och Pesch
Du bes Kölle, op de wills oder och nit
Du bes Kölle, weil et söns kein Kölsche jit
Du bes Kölle, Du bes super tolerant
Nimps jeden op d´r Ärm un an de Hand
Du bes Fastelovend
Du bes janz nevvenbei
Blootwoosch, Kölsch un Levverwosch
Un Zimmermann dat Ei
Du bes d´r Neven un DuMont
Du bes Oppenheim und Cie
Du bes kein Weltkulturstadt
Dir deit nix mih wih
Du bes och de Vringsstroß
De Nordsüdfahrt suwiesu
En Düx bes Du die Freiheit
Dat Alles dat bes Du
Du bes Kölle, op de wills oder och nit
Du bes Kölle, weil et söns kein Kölsche jit
Du bes Kölle, Du bes super tolerant
Nimps jeden op d´r Ärm un an de Hand
Du bes Kölle, op de wills oder och nit
Du bes Kölle, weil et echte Kölsche nur en Kölle jit -
Du bes Kölle, Du bes super tolerant
Nimps jeden op d´r Ärm un an de Hand
Du bes dat jrößte Dorf
Häs dä jeilste Arsch der Welt
Du bes Laache un och Kriesche
Un häs de Musik bestellt
Wenn dir dat all noch nit jenoch es
Dann bes de och noch d´r Rhing,
D´r Dom, d´r Zoo, d´r Bahnhofsklo,
Em Hätze Sonnesching
Ne halve Hahn, ne janze Käl,
Schloofmötz un Filou,
Du janz allein bes Kölle
Janz Kölle dat bes Du
Du bes Kölle, op de wills oder och nit
Du bes Kölle, weil et söns kein Kölsche jit
Du bes Kölle, Du bes super tolerant
Nimps jeden op d´r Ärm un an de Hand
Du bes Kölle, op de wills oder och nit
Du bes Kölle, weil et söns kein Kölsche jit
Du bes Kölle, Du bes super tolerant
Nimps jeden op d´r Ärm un an de Hand
LyricWiki