Lyrics:

Neilich sitz i umma hoiba zwa im Hawelka
bei a poa Wuchteln und bei an Bier.
Auf amoi gibts beim Eingang vuan a Mordstrara,
weu a Nockerter kummt eine bei der Tür.

Da oide Hawelka sogt: "Suach ma an Plotz!",
oba sie mocht an Botzn Bahö,
weu sie mant, dass sowos do net geht
und er soi si schleichn, ober schnö.

Jö schau, so a Sau, Jassas na,
Wos mocht a Nockerter im Hawelka?
Geh wui, oiso pfui, meiner Söh,
Hehrst i schenierat mi an seiner Stöh.

Aner ruaft: "A Wahnsinn!
Gebts eahm wos zum Anziehn!"
Doch sei Freindin meint: "Geh fesch,
Endlich aner ohne Wäsch!"

Jö schau, so a Sau, Jassas na,
wos mocht a Nackerter im Hawelka?

Der Ober Fritz sogt: "Wir sind hier ein Stadtcafé
und wos Sie do mochen is a Schweinerei"
A oida Schauspieler mant wiederum: "Aber geh!
Oiso i find do gar nix dabei."
Drauf sogt der Nockerte: "Moment! Moment!
Sie wissen wohl nicht wer ich bin.
A wann mi kaner kennt, i bin sehr prominent
als elegantester Flitzer von Wien"

Jö schau, so a Sau, Jassas na,
wos mocht a Nockerter im Hawelka?
Geh wui, oiso pfui, meiner Söh,
Hehrst i schenierat mi an seiner Stöh.

Moch ma hoit a Ausnahm.
Sei ma heit net grausam,
Weu ein Bohemien-Lokal
pfeift auf Spießbürgermoral.

Jö schau, so a Sau, Jassas na,
wos mocht a Nockerter im Hawelka?
Geh wui, oiso pfui, meiner Söh,
Hehrst i schenierat mi an seiner Stöh.