Lyrics:

Draußn is da Himme grau
Vom Westn her ein Tief
I sitz ganz allanich do
Und bin depressiv
Kana ruaft mi an
Und niemand kummt zu mir
Und I bin scho ganz knapp dran
Dass I mei Selbstvertrau'n verlier
Oba über des moch I ma kane Suagn
Weu des kummt scho wieder spätestens Übermuagn!
Nur is ma ans ned kloa
Wie überlebt des aner des ganze Joa?

Im Hintergrund spüt's halblaut
An Hodan aus de siebzger Joa
Ihr schaut's euch schweigend an
Und denkt's wie's früher woa
Im Grunde seit's verzweifelt, weu nix passiert
Und weu's wißt's, dass sie des niemois ändern wird
Nur is mir ans ned kloa
Wie überlebt's ihr des, des ganze Joa?

Euer Lochn klingt
Afoch vü zu laut
Und ihr senkt's den Blick
Wann ma euch in die Aug'n schaut!
Heat's zum Rauchn auf und sauft's nix mehr
Des hüft eich nix, ihr seit's kaputt von innen her!
Und es is euch ned kloa
Doch ihr seit's permanent in Lebnsgefoah
Es kummt ma vua wie wann's bewusstlos wart's
Und ob's no lebt's oda ob's scho gsturbn sat's
Des is euch nimmer kloa
Weu ihr werd's immer blöder von Joa zu Joa!