Lyrics:

Mam, Mam, schnapp d'r de Pann
Mir wolle Rievkooche han
Mam, Mam, fang doch flöck an
Fuffzehn Stöck pack op d'r Mann
Rievkooche, dat es en Delikatess
Die schmecken am allerbess
Un kriste noher jet Buchping, oh jös
Do lähste dich flöck en de Kess

Wer Rievkooche eins hat erfunge
Dat wor 'ne Erfinder janz jroß
Denn dat es ihm jot jelunge
Och wenn et jet Öl hät jekoss

Wat solle mer met Austern und Schnecke
Wat soll mer met Spaghetti und Schlot
Mer lossen uns Rievkooche schmecke
Un machen uns flöck e paar parat

Mam, Mam, schnapp d'r de Pann
Mir wolle Rievkooche han
Mam, Mam, fang doch flöck an
Fuffzehn Stöck pack op d'r Mann
Denn Rievkooche, dat es en Delikatess
Die schmecken am allerbess
Un kriste noher jet Buchping, oh jös
Do lähste dich flöck en de Kess

Ich jing eines Fridachs durch Kölle
Leev Lückcher, do wor jet oloss
Ich kann et üch ruhig verzelle
Noh Rievkooche roch jede Stroß

Frau Böllmann, die wor fies am schänge
Die Katz fross die Rievkooche op
Frau Schmitz wor de Deich noch am menge
Do reef schon der allerkleinste Stropp:

Mam, Mam, schnapp d'r de Pann
Mir wolle Rievkooche han
Mam, Mam, fang doch flöck an
Fuffzehn Stöck pack op d'r Mann
Denn Rievkooche, dat es en Delikatess
Die schmecken am allerbess
Un kriste noher jet Buchping, oh jös
Do lähste dich flöck en de Kess