Lyrics:

Io nun capisco 'e vvote che succere
E chello ca se vere nun se crere, nun se crere
Nun se crere, nun se crere
È nato nu criaturo, è nato niro
E 'a mamma 'o chiamma Ggiro
Sissignore, 'o chiamma Ggiro
E sissignore, 'o chiamma Ggiro

Eh, vota e gira, seh
Eh, gira e vota, seh
Ca tu 'o chiamme Ciccio o 'ntuono
Ca tu 'o chiamme Peppe o Ggiro
Chillo 'o fatto è niro niro, niro niro comm'a cche&

S' 'o contano 'e cummare chist'affare
Sti cose nun so' rare, se ne vedono a migliare
E se ne vedono a migliare
'E vvote basta sulo 'na 'uardata
E 'a femmena è rimasta, uè, sott' 'a botta 'mpressiunata
E sott' 'a botta 'mpressiunata

Seh, 'na 'uardata, seh
Seh, 'na 'mprissione, seh
Va truvanno mò chi è stato
C'ha cugliuto buono 'o tiro
Chillo 'o fatto è niro niro, niro niro comm'a cche&

E dice 'o parulano: 'Embè parlammo
Pecché si raggiunammo chistu fatto ce 'o spiegammo
E chistu fatto ce 'o spiegammo
Addò pastin' 'o grano, 'o grano cresce
Riesce o nun riesce, semp'è grano chello ch'esce
E semp'è grano chello ch'esce'

Meh, dillo a mamma, meh
Meh, dillo pure a me
Conta 'o fatto comm'è ghiuto
Ciccio, 'ntuono, Peppe o Ggiro
Chillo 'o fatto è niro niro, niro niro comm'a che&

Seh 'na 'uardata, seh
Seh 'na 'mprissione, seh
Và truvanno mò chi è stato
C'ha cugliuto buono 'o tiro
Chillo 'o fatto è niro niro, niro niro comm'a cche&

'E signurine 'e Caporichino
Fanno ammore cu 'e marrucchine
'E marrucchine se vottano 'e lanze
E 'e signurine cu 'e panze annanze

American espresso
Ramme 'o dollaro ca vaco 'e pressa
Sinò vene 'a pulisse
Mette 'e mmane addò vò isse

Aieressera a piazza Dante
'O stommaco mio era vacante
Si nun era p' 'o contrabbando
I' mò già stevo 'o campusanto

E levate 'a pistuldà
Uè e levate 'a pistuldà
E pisti pakin mama
E levate 'a pistuldà

'E signurine napulitane
Fanno 'e figlie cu 'e 'mericane
Nce verimme ogge o dimane
Mmiezo a porta Capuana

Sigarette, papà
Caramelle, mammà
Biscuit, bambino
Dduie dollare 'e signurine

E ciurcillo 'o viecchio pazzo
S' 'è arrubbato 'e matarazze
E ll'america pe' dispietto
Ce ha sceppato 'e pile 'a pietto

Aieressera magnai pellecchie
'E capille 'ncopp' 'e recchie
E capille e capille
E 'o recotto 'e camumilla&

'O recotto,'o recotto
E 'a fresella cu 'a carna cotta
'A fresella, 'a fresella
E zì moneco ten' 'a zella

American espresso
Ramme 'o dollaro ca vaco 'e pressa
Sinò vene 'a pulisse
Mette 'e mmane addò vò isse