Lyrics:

Ma siecht ihn und ma hört ihn ned,
den unscheinbaren Bua'm.
Und wenn in sein'm Weg a Aufgab' steht
taucht er unter wie a Wurm.

Trotz seiner G'schwister is er Anzelkind
und kennt am Schulhof jedes klane Eck.
Damit die Bosheit ihn von de anderen ned find'
suacht er jeden Dog a neues Versteck.

Und so robbt gemobbt so ganz im Stillen
mit seine Wimmerl und de Aschenbecherbrill'n
im Canossagang durch's Feindspalier
sei Eingang is und bleibt die Hintertür.

Der unscheinbare Bua
wirft kan Schatt'n, ziacht ka Spur.
Er g'hört nirgendwo hin, nirgendwo dazua
der unscheinbare Bua.
Aber wartet's nur!

Sein Erzeugervater hat als Finanzberater
and're Sorgen ois des Kinderg'scher.
Und die Muada füttert morgens schon ihren Wodka-Kater
mit Prosecco im Beichtstuhl beim Friseur.

Ohne Freund' und ohne Eltern
suachen Kinder gern woanders Hoit,
lassen leicht si von böhsen Onkelz ködern
und rutschen in an rechten Spoit.

(Der unscheinbare Bua!)

Der unscheinbare Bua
jetzt g'hört er endlich irgendwo dazua.
Mitt'n Hakenkreuz im G'nack
und da Eierkopfrasur
und dem Kameradschaftsschwur.

Doch der unscheinbare Bua
schlogt mit'm Baseballschläger ungern zua.
Worauf die geistig oben kahlen
freien Radikalen sog'n: „Burli, gar nix is ned gnua!
Ziach die Springerstiefel aus und ziag a Spur.“

Enttäuscht erklärt der Bub als virtueller Freak
dieser Welt, die ihn in das Abseits stellt,
den total normalen digitalen Cyberkrieg.
Denn online ist er der Superheld.

Er träumt in sein'm Computerkammerl
als Warcraft-Schwammerl,
von einer Story ohne Happy End.
Er ballert, dass es hallert,
als Counterstrike-Agent.
Doch nur reale Rächer
werden wirklich prominent (prominent, prominent).

Der unscheinbare Bua
legt si a Waffenlager zua.
Er daschiaßt die hoibe Klass'
und die Lehrerschaft dazua.
Jetzt hör'n 's im endlich zua
und geb'n für immer a Ruh'.