Lyrics:

1. Wie sull dat nur wiggerjon?
Wat bliev dann hück noch ston?
Die Hüsjer un Jasse,
die Stündcher beim Klaafe,
es dat vorbei?

2. En d'r Weetschaff op d'r Eck
ston die Männer an d‘r Thek.
Die Fraulückcher setze
beim Schwätzje zesamme,
es dat vorbei?

Refrain:
Wat och passeet,
dat Eine es doch klor:
Et Schönste, wat mer han
schon all die lange Johr
es unser Veedel,
denn he hält mer zesamme,
ejal wat och passeet.
En unserem Veedel.

3. Uns Pänz, die spille nit em Jras,
un fällt ens einer op de Nas,
die Bühle un Schramme,
die fleck mer zesamme,
dann es et vorbei.

Refrain:
Wat och passeet…

Dat es doch klor,
mer blieven, wo mer sin,
schon all die lange Johr,
en unserem Veedel,
denn he hält mer zesamme,
ejal wat och passeet.
En unserem Veedel.

Refrain:
Wat och passeet…