Lyrics:

Dessus la rive de la mer y a trois belles filles,
Le marinier qui les menoit si par amour les prie,
O gentil marinier rameine moy à rive.
Le marinier qui les menoit si par amour les prie,
A la plus jeune s'adressa comme à la plus jolie.
O gentil marinier.

A la plus jeune s'adressa comme à la plus jolie,
Bon gré, mal gré me baiserés, & si serés mamie.
O gentil marinier.

Bon gré, mal gré me baiserés, & si ferés mamie,
Et quand vous aurés fait de moy ne vous en mocqués mie.
O gentil marinier.

Et quand vous aurés fait de moy ne vous en mocqués mie,
Lors il prist & la jetta dessus l'herbe fleurie.
O gentil marinier.

Lors il la prist & la jetta dessus l'herbe fleurie,
Il la baisa & rebaisa, puis luy feit la folie.
O gentil marinier.